Comezan as obras de creación de dous aparcamentos alternativos no entorno da nova senda ciclista que impulsa o Goberno de Lara Méndez

Mauricio Repetto coñeceu in situ os traballos que se efectuarán en Ramón Piñeiro e Lamas López para crear 69 novas prazas de estacionamento públicas e gratuítas.

“Hoxe damos un paso máis na procura dunha cidade cómoda, moderna e adaptada ás persoas, ao tempo que continúan a avanzar a bo ritmo as obras do carril bici”.

O executivo municipal inviste 171.000 euros nestes traballos, que contan cun prazo de execución de dez semanas.

Continue reading

Lara Méndez ampliará o paso soterrado da NVI e humanizará a contorna para mellorar as conexións a pé e en bici co Miño

O paso inferior será substituído por unha nova estrutura que duplicará o ancho e a altura do actual para diminuir o efecto túnel e que sexa máis agradable e seguro para os usuarios.

A alcaldesa de Lugo sostén que “favoreceremos o acceso á zona do río desde o centro da cidade, reducindo o uso dos vehículos e, polo tanto, as emisións de CO2 e a contaminación”.

As obras, nas que se investirán 1.101.000 euros e que durarán 5 meses, inclúen a pavimentación dunha senda peonil de 335.000 metros, con dotación de novo alumeado.

Para a execución dos traballos, enmarcados na estratexia Muramiñae, habilitarase un desvío provisional, para non interromper o tráfico, na marxe esquerda da N-VI en sentido A Coruña.

Continue reading

Lara Méndez supervisa o avance das obras da pasarela peonil da N-VI coa colocación da estrutura central durante esta madrugada

A alcaldesa de Lugo, Lara Méndez, acompañada de técnicos municipais, supervisou este venres o avance das obras da nova pasarela peonil sobre a N-VI, que mellorará a seguridade e comodidade de acceso dende o casco urbano á zona fluvial e ao estadio Anxo Carro. Durante a pasada madrugada leváronse a cabo os traballos de colocación do vano central da pasarela, para o que se habilitaron desvíos nos dous sentidos da estrada nacional.

Continue reading

Avanzan as obras da pasarela peonil da N-VI coa instalación, este xoves, da súa estrutura central, para o que se habilitarán desvíos

Os traballos levaranse a cabo en horario nocturno para minimizar o impacto sobre o tráfico. Sinalizaranse dous desvíos en ambos sentidos de circulación

Os seguintes pasos contemplan a construción das ramplas, a colocación de varandas, así como a instalación de alumeado e a humanización do itinerario

Este proxecto, co que se mellorará a comodidade de acceso ao Miño e ao estadio Anxo Carro, enmárcase na estratexia DUSI, financiada ao 80% con fondos FEDER

Continue reading

O Goberno de Lara Méndez destina 171.000 euros á creación de dous aparcamentos alternativos nos barrios de A Residencia e Castiñeiro

A Xunta de Goberno Local aprobará este mércores a adxudicación das obras, que contarán cun prazo de execución de dez semanas, á empresa Canarga SL.

Estes traballos, ligados á posta en marcha da nova senda verde ciclista da cidade, permitirán crear 69 prazas públicas e gratuítas en Ramón Piñeiro e Lamas López.

Ademais, habilitaranse outros 51 estacionamentos co repintado en batería dos espazos nas rúas Río Mandeo, Pomar, Amizade e Ronda do Carmen.

Continue reading

A alcaldesa Lara Méndez anuncia a creación de 120 prazas de estacionamento na contorna da nova senda verde ciclista

A rexedora lucense avanzou que o investimento será de 208.300 euros, que se sumará aos 1,2 millóns das obras do carril bicil, de 14 quilómetros, “que cambiará a mobilidade de 8 barrios”

A licitación de dous novos aparcadoiros alternativos, públicos e gratuítos, en Ramón Piñeiro e Francisco Lamas López, aprobaranse mañá en Xunta de Goberno. Son 69 prazas, 7 adaptadas

Ademais, gañaranse 51 novas prazas en Río Mandeo, Rúa do Pomar, Ronda do Carmen e Rúa Amizade co repintado dos espazos en batería

Continue reading

O executivo de Lara Méndez adxudica por 1,2 millóns as obras da senda ciclista verde, que cambiará a mobilidade en 8 barrios da cidade

A Xunta de Goberno local aprobou este mércores a adxudicación dos traballos, de seis meses de duración, á empresa Taboada y Ramos S.L.

A nova senda verde terá unha lonxitude de 14 quilómetros, que percorrerá Paseo do Miño, Parque Rosalía, Ronda do Carme, Fonte dos Ranchos, Lamas de Prado, Abella, A Residencia e Camiño Real

Este proxecto enmárcase na estratexia Muramiñae, posta en marcha pola rexedora con fondos europeos co fin de unir a trama urbana da cidade co río Miño

Continue reading

O comité de dirección da estratexia DUSI Muramiñae avanza que a construción da pasarela peonil ao Miño comezará a vindeira semana

Este órgano celebrou a primeira reunión de traballo tralo periodo de confinamento para avaliar o estado das actuacións da estratexia, cofinanciada ao 80% a través do FEDER
 
Está aberto o prazo para a presentación de ofertas para a obra do carril bici. A previsión é que os traballos comecen tras o verán, contando cun tempo de execución de seis meses
 
Iniciouse a selección de peóns e capataces do I Plan Socio-Laboral Muramiñae Rehabilita. Contratarase a 27 lucenses en situación de vulnerabilidade para obras en barrios

Continue reading

Lara Méndez presenta a primeira senda verde ciclista de Lugo, de 14 quilómetros de lonxitude e que percorrerá 8 barrios

O circuíto de carril bici encádrase na estratexia Muramiñae posta en marcha pola alcaldesa co fin de unir a trama urbana da cidade co río Miño gañando máis espazos para as persoas
 
“Enmárcase na nosa aposta por un modelo de cidade máis sostible, amable, e transitable, favorecendo unha mobilidade activa e promocionando hábitos saudables”, sostivo a rexedora
 
De cor verde, combinará carrís segregados de tráfico nas rúas con maior ancho con viarios de coexistencia, onde a velocidade máxima dos vehículos se reducirá ao 20%
 
No seu deseño primou a seguridade; a cohesión interna e a intermodal; a rectitude, tanto en distancia como en tempo (buscando o traxecto máis corto) e o atractivo da ruta
 
Procurouse a menor eliminación de prazas de estacionamento posible en todo o itinerario e crearanse novas prazas en aparcamentos alternativos
 
O Goberno local impulsará campañas de promoción e concienciación do uso da bicicleta

Continue reading

O executivo de Lara Méndez solicitará a Fomento a cesión dos 2’3 km da N-VI comprendidos na zona DUSI

A actuación permitirá desenvolver con maior dilixencia as iniciativas contempladas na Estratexia Muramiñae encamiñada a integrar a contorna urbana co río

O goberno local instará tamén ao Ministerio a arranxar un treito da N-540 a altura de San Pedro de Calde e a cederllo, logo, ao Concello para garantir o seu estado de conservaciónContinue reading