Marco Topo agasallará o seu xogo Lugo Muramiñae nunha festa infantil este venres no Vello Cárcere

Será a partir das 17:30 horas, onde Marco Topo ten preparada unha xincana, talleres de pintacaras de Flopis, reparto de globos e un photocall, entre outros

Tamén se realizará un taller de debuxo para inventar ao Flopi propio de Lugo, Dusidín. O gañador levará unha tablet de regalo

Marco Topo leva 3 anos de andadura e xa forma parte da oferta turística de 40 destinos e museos de todo o país, sendo o de Lugo o primeiro de Galicia; facéndoo ademais nun espazo como o existente entre a Muralla e o río Miño

Este xogo está composto por un mapa, e xunto a un dispositivo con acceso a internet, da a oportunidade de descubrir a cidade superando probas e preguntas sobre Lugo e a axuda dos fondos FEDER como dinamizadores da cidade

Continue reading

Marco Topo: un xogo interactivo para gozar en familia e descubrir Lugo e a súa zona Muramiñae de xeito divertido e educativo

Lara Méndez, Liborio López, Rita González e o propio Marco Topo presentaron este xogo-guía turística interactivo de Lugo familiar que se alonxa das habituais formas de visitar e coñecer unha cidade e un proxecto europeo

Coa axuda dun mapa e un dispositivo con acceso a internet, as familias poden descubrir a cidade superando probas e preguntas sobre Lugo e a axuda dos fondos FEDER como dinamizadores da cidade e do municipio

Para xogar só fai falta conseguir, de xeito gratuíto, un mapa da aventura na Oficicina Municipal de Turismo de Lugo ou na Oficina EDUSI, dende o luns. Unha vez co mapa, hai que introducir o código da aventura en www.marcotopo.com

Este domingo, no Pazo Provincial dos Deportes, Marco Topo compartirá escenario co rei do Baile de Mascotas da ACB, Máximus, na xornada entre o Breogán e o Barcelona

Continue reading

O Goberno licita as obras da pasarela ao Miño e a descontaminación do Carme, cofinanciadas con fondos FEDER

O orzamento conxunto das iniciativas, enmarcadas dentro da Estratexia de Desenvolvemento Urbano Sostible Integrado, financiada ao 80% polos Fondos Europeos de Desenvolvemento Rexional, é de máis dun millón de euros

Son as primeiras obras da estratexia DUSI en saír a contratación, unha vez concluída a xestión da redacción dos proxectos. Contan cun prazo de execución de 6 meses a primeira delas, e un mes a segunda

Trátase dunha inversión que fará de Lugo unha cidade máis saudable e sostible, prioridades para o Goberno. Ademais, estas obras constitúen un exemplo claro de como o FEDER pode mellorar a vida dos e das luguesas

O Concello xa ten consignadas outras actuacións da súa estratexia DUSI, para poder iniciar o proceso de licitación a principios de ano: o carril bici e as obras do acceso inferior da Nacional VI

Continue reading

O Goberno creará, con fondos FEDER, un carril bici de máis de 15 quilómetros, para impulsar a mobilidade sostible na cidade

Lara Méndez deu a coñecer este “proxecto ambicioso, que busca converter a bici nun elemento normalizado da paisaxe de Lugo”, redactado en base ao Plan de Mobilidade e ao Proxecto de Promoción da BicicletaO orzamento da iniciativa, enmarcada dentro do Muramiñae, da Muralla ao Miño, financiado ao 80% polo Fondos Europeos de Desarrollo Regional, é dun millón de euros e o prazo de execución son 6 meses

“Trátase dunha inversión potente que fará de Lugo unha cidade máis saudable, ecolóxica, sostible e deportiva, con mellores infraestruturas, todo elo prioridade para o Goberno”, subliñou a Alcaldesa

Os límites deste nova rede ciclista son a Avenida da Coruña, Ronda da Muralla, Parque Rosalía de Castro, río Miño cara o río Mera, límite da zona urbana en Abella e rúa Mazaira. Conta con 27 tramos diferenciados e foi deseñado atendendo a principios de cohesión rectitude, seguridade, conforte e atractivo

Continue reading

A Alcaldesa presenta o deseño da pasarela peonil ao Miño, que terá un orzamento de máis de 880.000€

Será un paso de arco metálico, apoiado en dous estribos de formigón, que á súa vez servirán de apoio ás ramplas de acceso, tamén metálicas e con trazado en espiral. Con pavimento de resina, terá dúas vigas dóricas laterais, en consonancia co pasado romano da cidade

A través do plan europeo Muramiñae, da Muralla ao Miño, o Goberno responde a “unha demanda histórica” da cidadanía lucense con esta obra, que favorecerá a conexión segura e cómoda de peóns e bicicletas entre o casco urbanos e o río

Continue reading

A Alcaldesa avanza os deseños das 5 primeiras obras do Muramiñae, que proxecta “o Lugo do futuro”

A pasarela para peóns e bicicletas ao Miño, coa que o Goberno dá resposta a unha forte demanda dos afeccionados do CD Lugo e da cidadanía en xeral, situarase ao lado do enlace que conduce ao centro comercial, en terreos municipais, o que axilizará a construción. O orzamento é de 555.000€

A proposta para a ampliación do paso inferior da N-VI pasa por demoler a propia estrutura actual e executar unha nova, cun gálibo horizontal e vertical máis amplos, o que diminuirá o efecto túnel e o fará moito máis agradable para o usuario. O investimento é de 690.000€

Tras descartar a construción dunha rotonda pola inviabilidade técnica, a opción sobre a que o Concello traballa agora para a reforma da Volta da Viña é crear un acceso directo dende o mirador, para o que está pendente da autorización de Fomento

Prevese a construción dun pozo de bombeo na rúa Vicedo, que recollerá as augas de escorrentía da propia vía e as dos dous colectores existentes na zona que verten ao Rego dos Hortos, para levalas á rede xeral de saneamento, a través do pozo de rexistro existente na rúa Santiago. O importe é de 60.000€

En canto á posta en valor do patrimonio do Carme, contémplase, entre outras actuacións, valorizar a cloaca romana descuberta no ano 2008 na parte traseira da Sala de Exposicións Porta Miñá para facela visitable e aberta ao público a través da súa musealización in situ

Continue reading

O Concello adxudica a redacción do proxecto para crear 16 quilómetros de carril bici entre a cidade e o Miño

A Alcaldesa anunciou esta actuación, “que nos permite avanzar no noso modelo de cidade, máis accesible, humana, cómoda e sostible” e forma parte do programa europeo EDUSI

O acondicionamento de vías ciclistas súmase a outros 5 proxectos cuxa redacción xa foi adxudicada: a reforma da Volta da Viña, a pasarela peonil ao campo de fútbol, a prolongación do paso subterráneo baixo a N-VI, a posta en valor do patrimonio do Carme e a descontaminación dos solos deste barrio

Continue reading

Dez empresas presentaron propostas para a redacción dos 5 primeiros proxectos do EDUSI

As actuacións consisten na reforma da Volta da Viña, a pasarela peonil ao campo de fútbol, a prolongación do paso subterráneo baixo a N-VI, a posta en valor do patrimonio do Carme e a descontaminación dos solos deste barrio

Rexistradas 6 ofertas para a instalación das dúas casetas e dous caldeiros do polbo no San Froilán que quedaron vacantes para os anos 2017, 2018 e 2019

A Xunta de Goberno aprobou a convocatoria de dúas liñas de subvencións municipais no eido social cun importe conxunto de 43.000 euros, destinadas ao tecido asociativo e a persoas con discapacidade para taxi adaptado

Continue reading

O BOP publica hoxe a licitación do contrato para a redacción dos 5 primeiros proxectos de obra do EDUSI

As empresas interesadas teñen 15 días de prazo para presentar as súas propostas

Cun orzamento de 168.000€, o Concello licita a elaboración dos estudos de viabilidade e proxectos da reforma da Volta da Viña, a pasarela peonil ao campo de fútbol, a prolongación do paso subterráneo baixo a N-VI, a posta en valor do patrimonio do Carme e a descontaminación dos solos deste barrio

Os traballos de redacción estarán listos entre finais deste ano e principios do que vén, momento no que o Concello poderá comezar a licitar a execución das obras

Continue reading

Lugo, un dos primeiros concellos de España en arrancar o DUSI ao licitar a redacción de 5 proxectos de obra

A Alcaldesa anuncia a elaboración dos estudos de viabilidade e proxectos constructivos da reforma da Volta da Viña, a pasarela peonil ao campo de fútbol, a prolongación do paso subterráneo baixo a N-VI, a posta en valor do patrimonio do Carme e a descontaminación dos solos deste barrio“Quixemos dar prioridade a estas 5 actuacións porque son moi demandadas, mellorarán a calidade de vida dos lucenses, a seguridade e a comodidade circulatoria, poñerán en valor o noso patrimonio e converterán o entorno do Carme e o Miño nun elemento dinamizador da cidade”, subliñou Lara Méndez

A redacción dos proxectos, cun orzamento de 168.000€, estará lista entre finais deste ano e principios do que vén, momento no que o Concello poderá comezar a licitar a execución das obras

Continue reading