Category Archives: Aforro enerxético e medioambiental

O Concello construirá un centro de Servizos Sociais interxeracional e polivalente en Lamas de Prado seguindo criterios de sustentabilidade

Publicado o by

A alcaldesa de Lugo, Lara Méndez, anunciou hoxe a execución deste inmoble, no que se investirá 1,5 millóns de euros e cuxo prazo de execución será dun máximo de 12 meses

O novo equipamento dará servizo aos barrios do Carme, A Cheda, Abuín-Abella e Castiñeiro, así como a diversas parroquias, atendendo as necesidades de 20.000 persoas

O deseño do edificio é funcional e cunha distribución flexible para desenvolver actividades para os maiores, os mozos e os máis cativos e para facilitar a conciliación

Seguindo os criterios de urbanismo sostible impulsados por Lara Méndez, será un centro de consumo enerxético case cero e usará madeira como principal material construtivo

Este proxecto enmárcase na estratexia DUSI Muramiñae, financiada ao 80% pola UE a través dos Fondos Europeos de Desenvolvemento Rexional (FEDER)

Continue reading→

A alcaldesa Lara Méndez anuncia a creación de 120 prazas de estacionamento na contorna da nova senda verde ciclista

Publicado o by

A rexedora lucense avanzou que o investimento será de 208.300 euros, que se sumará aos 1,2 millóns das obras do carril bicil, de 14 quilómetros, “que cambiará a mobilidade de 8 barrios”

A licitación de dous novos aparcadoiros alternativos, públicos e gratuítos, en Ramón Piñeiro e Francisco Lamas López, aprobaranse mañá en Xunta de Goberno. Son 69 prazas, 7 adaptadas

Ademais, gañaranse 51 novas prazas en Río Mandeo, Rúa do Pomar, Ronda do Carmen e Rúa Amizade co repintado dos espazos en batería

Continue reading→

O Goberno licita as obras da pasarela ao Miño e a descontaminación do Carme, cofinanciadas con fondos FEDER

Publicado o by

O orzamento conxunto das iniciativas, enmarcadas dentro da Estratexia de Desenvolvemento Urbano Sostible Integrado, financiada ao 80% polos Fondos Europeos de Desenvolvemento Rexional, é de máis dun millón de euros

Son as primeiras obras da estratexia DUSI en saír a contratación, unha vez concluída a xestión da redacción dos proxectos. Contan cun prazo de execución de 6 meses a primeira delas, e un mes a segunda

Trátase dunha inversión que fará de Lugo unha cidade máis saudable e sostible, prioridades para o Goberno. Ademais, estas obras constitúen un exemplo claro de como o FEDER pode mellorar a vida dos e das luguesas

O Concello xa ten consignadas outras actuacións da súa estratexia DUSI, para poder iniciar o proceso de licitación a principios de ano: o carril bici e as obras do acceso inferior da Nacional VI

Continue reading→

O Goberno creará, con fondos FEDER, un carril bici de máis de 15 quilómetros, para impulsar a mobilidade sostible na cidade

Publicado o by
Lara Méndez deu a coñecer este “proxecto ambicioso, que busca converter a bici nun elemento normalizado da paisaxe de Lugo”, redactado en base ao Plan de Mobilidade e ao Proxecto de Promoción da BicicletaO orzamento da iniciativa, enmarcada dentro do Muramiñae, da Muralla ao Miño, financiado ao 80% polo Fondos Europeos de Desarrollo Regional, é dun millón de euros e o prazo de execución son 6 meses

“Trátase dunha inversión potente que fará de Lugo unha cidade máis saudable, ecolóxica, sostible e deportiva, con mellores infraestruturas, todo elo prioridade para o Goberno”, subliñou a Alcaldesa

Os límites deste nova rede ciclista son a Avenida da Coruña, Ronda da Muralla, Parque Rosalía de Castro, río Miño cara o río Mera, límite da zona urbana en Abella e rúa Mazaira. Conta con 27 tramos diferenciados e foi deseñado atendendo a principios de cohesión rectitude, seguridade, conforte e atractivo

Continue reading→

A Alcaldesa presenta o deseño da pasarela peonil ao Miño, que terá un orzamento de máis de 880.000€

Publicado o by

Será un paso de arco metálico, apoiado en dous estribos de formigón, que á súa vez servirán de apoio ás ramplas de acceso, tamén metálicas e con trazado en espiral. Con pavimento de resina, terá dúas vigas dóricas laterais, en consonancia co pasado romano da cidade

A través do plan europeo Muramiñae, da Muralla ao Miño, o Goberno responde a “unha demanda histórica” da cidadanía lucense con esta obra, que favorecerá a conexión segura e cómoda de peóns e bicicletas entre o casco urbanos e o río

Continue reading→

A Alcaldesa avanza os deseños das 5 primeiras obras do Muramiñae, que proxecta “o Lugo do futuro”

Publicado o by

A pasarela para peóns e bicicletas ao Miño, coa que o Goberno dá resposta a unha forte demanda dos afeccionados do CD Lugo e da cidadanía en xeral, situarase ao lado do enlace que conduce ao centro comercial, en terreos municipais, o que axilizará a construción. O orzamento é de 555.000€

A proposta para a ampliación do paso inferior da N-VI pasa por demoler a propia estrutura actual e executar unha nova, cun gálibo horizontal e vertical máis amplos, o que diminuirá o efecto túnel e o fará moito máis agradable para o usuario. O investimento é de 690.000€

Tras descartar a construción dunha rotonda pola inviabilidade técnica, a opción sobre a que o Concello traballa agora para a reforma da Volta da Viña é crear un acceso directo dende o mirador, para o que está pendente da autorización de Fomento

Prevese a construción dun pozo de bombeo na rúa Vicedo, que recollerá as augas de escorrentía da propia vía e as dos dous colectores existentes na zona que verten ao Rego dos Hortos, para levalas á rede xeral de saneamento, a través do pozo de rexistro existente na rúa Santiago. O importe é de 60.000€

En canto á posta en valor do patrimonio do Carme, contémplase, entre outras actuacións, valorizar a cloaca romana descuberta no ano 2008 na parte traseira da Sala de Exposicións Porta Miñá para facela visitable e aberta ao público a través da súa musealización in situ

Continue reading→

O Concello adxudica a redacción do proxecto para crear 16 quilómetros de carril bici entre a cidade e o Miño

Publicado o by

A Alcaldesa anunciou esta actuación, “que nos permite avanzar no noso modelo de cidade, máis accesible, humana, cómoda e sostible” e forma parte do programa europeo EDUSI

O acondicionamento de vías ciclistas súmase a outros 5 proxectos cuxa redacción xa foi adxudicada: a reforma da Volta da Viña, a pasarela peonil ao campo de fútbol, a prolongación do paso subterráneo baixo a N-VI, a posta en valor do patrimonio do Carme e a descontaminación dos solos deste barrio

Continue reading→

Dez empresas presentaron propostas para a redacción dos 5 primeiros proxectos do EDUSI

Publicado o by

As actuacións consisten na reforma da Volta da Viña, a pasarela peonil ao campo de fútbol, a prolongación do paso subterráneo baixo a N-VI, a posta en valor do patrimonio do Carme e a descontaminación dos solos deste barrio

Rexistradas 6 ofertas para a instalación das dúas casetas e dous caldeiros do polbo no San Froilán que quedaron vacantes para os anos 2017, 2018 e 2019

A Xunta de Goberno aprobou a convocatoria de dúas liñas de subvencións municipais no eido social cun importe conxunto de 43.000 euros, destinadas ao tecido asociativo e a persoas con discapacidade para taxi adaptado

Continue reading→

O BOP publica hoxe a licitación do contrato para a redacción dos 5 primeiros proxectos de obra do EDUSI

Publicado o by

As empresas interesadas teñen 15 días de prazo para presentar as súas propostas

Cun orzamento de 168.000€, o Concello licita a elaboración dos estudos de viabilidade e proxectos da reforma da Volta da Viña, a pasarela peonil ao campo de fútbol, a prolongación do paso subterráneo baixo a N-VI, a posta en valor do patrimonio do Carme e a descontaminación dos solos deste barrio

Os traballos de redacción estarán listos entre finais deste ano e principios do que vén, momento no que o Concello poderá comezar a licitar a execución das obras

Continue reading→

Lugo, un dos primeiros concellos de España en arrancar o DUSI ao licitar a redacción de 5 proxectos de obra

Publicado o by
A Alcaldesa anuncia a elaboración dos estudos de viabilidade e proxectos constructivos da reforma da Volta da Viña, a pasarela peonil ao campo de fútbol, a prolongación do paso subterráneo baixo a N-VI, a posta en valor do patrimonio do Carme e a descontaminación dos solos deste barrio“Quixemos dar prioridade a estas 5 actuacións porque son moi demandadas, mellorarán a calidade de vida dos lucenses, a seguridade e a comodidade circulatoria, poñerán en valor o noso patrimonio e converterán o entorno do Carme e o Miño nun elemento dinamizador da cidade”, subliñou Lara Méndez

A redacción dos proxectos, cun orzamento de 168.000€, estará lista entre finais deste ano e principios do que vén, momento no que o Concello poderá comezar a licitar a execución das obras

Continue reading→