Comeza a retirada e renovación dos bolardos de protección no barrio da Milagrosa

O edil de Desenvolvemento Local, Mauricio Repetto, supervisou este luns o inicio dos traballos de retirada e renovación dos bolardos de protección no barrio da Milagrosa. Esta actuación comezou polas vías Mallorca e Milagrosa e, a continuación, seguirá polas rúas de Curros Enríquez, Reverendo Xosé Fernández, Camiño Real (desde Milagrosa hasta García Abad), Yáñez Rebolo, Xulia Minguillón, Pintor Villamil e Tino Grandío. En total actuarase nos máis de 300 bolardos existentes.

Con esta iniciativa o goberno de Lara Méndez dá resposta a outra das demandas veciñais que se presentaron durante a campaña de participación cidadá posta en marcha co programa de inserción socio-laboral Muramiñae Rehabilita. Ademais de mellorar a seguridade na zona, xa que os elementos elixidos recuperan a verticalidade despois de flexar ao 90%, con estes cambios se iguala a estética dos bolardos no barrio. Os que se retiren e estean en bo estado, servirán para repor os que estean rotos noutras rúas da cidade sempre que sexan do mesmo modelo.

Estes traballos, enmárcanse na estratexia DUSI Muramiñae, cofinanciada polo Concello ao 20% e o Fondo Europeo de Desenvolvemento Rexional da Unión Europea ao 80%.

Comezan as obras de creación de dous aparcamentos alternativos no entorno da nova senda ciclista que impulsa o Goberno de Lara Méndez

Mauricio Repetto coñeceu in situ os traballos que se efectuarán en Ramón Piñeiro e Lamas López para crear 69 novas prazas de estacionamento públicas e gratuítas.

“Hoxe damos un paso máis na procura dunha cidade cómoda, moderna e adaptada ás persoas, ao tempo que continúan a avanzar a bo ritmo as obras do carril bici”.

O executivo municipal inviste 171.000 euros nestes traballos, que contan cun prazo de execución de dez semanas.

Continue reading

Adxudicadas por 1,2 millóns as obras de construción do novo Centro de Servizos Sociais interxeneracional e polivalente de Lamas de Prado

Os traballos contan cun período de execución de 12 meses e a empresa encargada de levalos a cabo será Prado Lameiro S.L.

Lara Méndez: “Este centro prestará servizo a unhas 20.000 persoas dos barrios do Carme, A Cheda, Abuín-Abella e Castiñeiro, así como de diversas parroquias”.

Será un edificio de consumo enerxético case cero, empregando a madeira como principal elemento estrutural, e disporá dunha zona verde ao seu redor.

Contará, ademais, cunha distribución flexible para desenvolver actividades para os maiores, os mozos e os máis cativos e para facilitar a conciliación.Continue reading

O Goberno de Lara Méndez promove dúas catas arqueolóxicas no Carme para poñer en valor o patrimonio histórico e cultural da zona

Os traballos, que se levarán a cabo en parcelas situadas fronte á igrexa do Carme e á Sala de Exposicions Porta Miñá, terán unha duración aproximada de 4 meses.

Lara Méndez: “Queremos afondar no coñecemento arqueolóxico da zona, pola que discorren as principais rutas históricas da cidade: a Vía XIX e o Camiño Primitivo”

Será a terceira ocasión na que se interveña este espazo, logo de que o servizo municipal de arqueoloxía realizara traballos previos nos anos 1994 e 2005.

Continue reading

Lara Méndez supervisa o inicio das obras de mellora e humanización do Camiño Primitivo e a Vía Romana XIX no barrio do Carme

Os traballos inclúen a recuperación de camiños, muros e elementos singulares e a instalación de varandas, mobiliario urbano e iluminación respectuosa co entorno.

Lara Méndez: “Hoxe é un día de gran satisfacción, pois iniciamos a transformación do Carme, unha zona  protexida de alto valor histórico, patrimonial e natural”.

O proxecto, enmarcado na estratexia DUSI Muramiñae, cofinanciada polo FEDER, conta cun orzamento de 204.248 euros e un prazo de execución de dous meses.

Continue reading

Finaliza a primeira fase do Plan Muramiñae Rehabilita coa inserción laboral de 3 traballadores nunha empresa lucense

A alcaldesa mantivo unha videoconferencia cos participantes nesta primeira edición do programa socio-laboral, enmarcado na estratexia DUSI do Concello.

Lara Méndez: “Co voso traballo contribuístes a poñer en valor distintos puntos da cidade, axudando a mellorar o patrimonio lucense e deixando a vosa impronta”.

As brigadas realizaron traballos de albanelería, xardinería e mobiliario no entorno do Miño, nos parques Rosalía, O Castiñeiro e Simón Bolívar e na rúa Garañón.

Continue reading

Lara Méndez ampliará o paso soterrado da NVI e humanizará a contorna para mellorar as conexións a pé e en bici co Miño

O paso inferior será substituído por unha nova estrutura que duplicará o ancho e a altura do actual para diminuir o efecto túnel e que sexa máis agradable e seguro para os usuarios.

A alcaldesa de Lugo sostén que “favoreceremos o acceso á zona do río desde o centro da cidade, reducindo o uso dos vehículos e, polo tanto, as emisións de CO2 e a contaminación”.

As obras, nas que se investirán 1.101.000 euros e que durarán 5 meses, inclúen a pavimentación dunha senda peonil de 335.000 metros, con dotación de novo alumeado.

Para a execución dos traballos, enmarcados na estratexia Muramiñae, habilitarase un desvío provisional, para non interromper o tráfico, na marxe esquerda da N-VI en sentido A Coruña.

Continue reading

Lara Méndez supervisa o avance das obras da pasarela peonil da N-VI coa colocación da estrutura central durante esta madrugada

A alcaldesa de Lugo, Lara Méndez, acompañada de técnicos municipais, supervisou este venres o avance das obras da nova pasarela peonil sobre a N-VI, que mellorará a seguridade e comodidade de acceso dende o casco urbano á zona fluvial e ao estadio Anxo Carro. Durante a pasada madrugada leváronse a cabo os traballos de colocación do vano central da pasarela, para o que se habilitaron desvíos nos dous sentidos da estrada nacional.

Continue reading

Avanzan as obras da pasarela peonil da N-VI coa instalación, este xoves, da súa estrutura central, para o que se habilitarán desvíos

Os traballos levaranse a cabo en horario nocturno para minimizar o impacto sobre o tráfico. Sinalizaranse dous desvíos en ambos sentidos de circulación

Os seguintes pasos contemplan a construción das ramplas, a colocación de varandas, así como a instalación de alumeado e a humanización do itinerario

Este proxecto, co que se mellorará a comodidade de acceso ao Miño e ao estadio Anxo Carro, enmárcase na estratexia DUSI, financiada ao 80% con fondos FEDER

Continue reading